日本Y!拍賣
日本購物
日本樂天
【日本代Bid代購收藏】柯南周邊 公仔/掛件/飾物
【Funbid 文字/Funbid會員】 2021-06-07 12:24:19
因為自己一直都係funbid買開柯南，間唔中就會打開網搵一搵，睇下會唔會有啱心水嘅柯南周邊，例如每一次搵圖果陣都會試下搵啲有唔同公仔，掛件，飾物嘅周邊等等，盡量草多啲唔同嘅周邊，或者睇下有無啲香港買唔到嘅。
今次係funbid搵到嘅呢一團，就俾我好好彩咁搵到有幾樣好正嘅野，包括有基德耳環，幾款新幾代未收齊嘅縮水袋柯南，一set超靚嘅安室明信片
(超鍾意入面有齊所有角色頭像果張明信片，仲要系金色版！）
因為好心急想快啲收到，就即入數填埋張訂單，希望可以快啲出貨兼到港。
而funbid都好快手咁幫我聯絡賣家，俾埋錢個賣家，所以賣家第二日就幫我寄出左啦！計埋六日假期，大慨5日就到左funbid日本收貨處，通知埋集運，俾埋尾數，就幫我安排左上機啦！因為funbid上個月做緊順豐優惠，成張單可以有8折，所以就算可以自取0蚊，都係照揀左用順豐，起碼可以快啲收到，又唔洗自己走嚟走去攞咁辛苦！（而且呢一團都幾重下，體積重成16kg，都係順豐方便啲！）
打開箱發現，今次有用多個箱幫我系外面裝起佢，入面又放左啲防撞泡泡紙，睇落係穩陣啲嘅，起碼入面個箱4角無爛，最緊要系入面啲野無穿無爛，明信片無摺埋就得啦，收到超靚超開心啊！！